كشفت الفنانة إلهام شاهين، عن انسحابها من المشاركة في موسم المسلسلات المصرية لرمضان 2023، بعد اعتذارها عن عدم المشاركة ببطولة مسلسل “حضرة العمدة” أمام النجمة روبي.
و قالت إلهام شاهين خلال حوارها مع قناة DMC: “أنا مش هكون موجودة في رمضان اللي جاي، لأني جبانة شوية وبحب يكون معايا كل حلقات المسلسل، مبعرفش أدخل أصور وأنا معايا 8 أو حتى 10 حلقات من 30 حلقة، بحب أفرغ دوري وأبقى فاهمة أنا حجمي إيه في العمل من كل اللي حواليا، وأدرس العمل، وأنا متعبة شوية في شغلي وده بيتعب المنتجين مني مش قادرة أجاري السوق، ولكني كنت أتمنى أبقى موجودة”.
و أضافت” تكريم حبيبة قلبي كاملة أبو ذكري، اللي قدمت معاها أحلى أعمالي على الإطلاق وآخر عمل في حياتي، مسلسل بطلوع الروح اللي كل يوم بياخد جائزة في بلد، وكاملة مخرجة مهمة جداً ومميزة جداً وأعمالها علامة في تاريخنا سواء سينمائياً أو درامياً”.
و تابعت” كاملة أبو ذكري، الوحيدة اللي كل مرة بتفاجئني، يعني بتفكر فيا في أدوار مفيش حد فكر فيا فيها من قبل ولا أنا قدمتها، يعني في فيلم واحد صفر قدمت المرأة المسيحية وقضية شائكة جداً وجالي جوابات شكر كتير من ستات مسيحيات شافوا إني بأدي دورهم في الحياة”.
و استكملت الفنانة حديثها حيث قالت: “لبلبة حبيبة قلبي وصداقة عمر وعشرة عمر طويلة بموت فيها، إنسانة طيبة جميلة وصادقة وبتحب شغلها أوي وبتستحق كل تكريم”.
